الشناوي علمني سر التصدي لركلات الجزاء أمام ميسي – كل الكورة
كشف مصطفى شوبير، حارس مرمى منتخب مصر، عن الدور الكبير الذي لعبه محمد الشناوي في مساعدته قبل مواجهة الأرجنتين، مؤكدًا أنه تعلم منه الطريقة التي ساعدته على التصدي لركلة جزاء ليونيل ميسي.
وقال شوبير: “هقول حاجة أول مرة أحكيها.. كابتن الشناوي هو اللي علمني إزاي أصد ضربات الجزاء بطريقته، وقبل ماتش الأرجنتين جه أوضتي وقالي تعالى هقولك ميسي بيشوط إزاي لو جتلهم ضربة جزاء”.
وأضاف: “قالي إن ميسي دايمًا بيتأخر لحظة قبل ما يشوط، وهتلاقي رجله الثابتة موجودة عند الزاوية اللي هيشوط فيها، ولما قدرت أتصدى للكرة لقيته بيقولي: يا ولد يا أوفا”.
وتابع حارس منتخب مصر: “بعد ماتش نيوزيلندا كان هو أول واحد جري عليا، وقالي: كمل يا بطل، إنت أحسن حارس في العالم، إنت مش أقل من أليسون ومانويل نوير، وإنت عامل مونديال أحسن منهم، وإنت اللي بتكسبنا”.
واختتم شوبير تصريحاته قائلًا: “عاوز أشكره وأقوله إنت كابتني، وليك فضل كبير عليّ بعد ربنا، والكلام اللي قاله ليا كان سبب كبير في الثقة اللي لعبت بيها”.
