“إيشو” يعلن تجديد عقده مع الزمالك

الرياضة اليوم

“إيشو” يعلن تجديد عقده مع الزمالك

قام أحمد عبد الرحيم إيشو، لاعب فريق الزمالك، بتوقيع عقود جديدة مع الأبيض بعد موافقته على شروط النادي للاستمرار مع الفريق.

وكتب اللاعب عبر حساباته الرسمية على مواقع التواصل الاجتماعي :” اليوم مش مجرد توقيع على عقد جديد، لكنه تأكيد على حكاية عمرها ما كانت مرتبطة بورقة أو رقم”.

وأضاف :” الزمالك هو المكان اللي بدأت فيه أول خطوة في مشواري، والنادي اللي اتعلمت فيه معنى الانتماء، وقد إيه القميص ده له قيمة ومسؤولية كبيرة و فضل كبير عليا”.

وتابع :” طول الوقت كنت مؤمن إن واخد القرار الصح و ال اي حد يتمناه  وعشان كده، كان هدفي إني أكمل في المكان اللي بحبه، وسط جمهور عمره ما كان مجرد جمهور بالنسبة لي، لكنه جزء من كل لحظة عشتها داخل النادي”.

وواصل :” وفي زمن بقت فيه الشائعات أسرع من الحقيقة، أتمنى إن محدش يصدق كل كلمة بتتكتب أو تتقال على السوشيال ميديا، لأن الحقيقة عمرها ما كانت كلها هناك، اللي يعرفني بجد، عارف أنا مين، وعارف قد إيه الزمالك بالنسبة لي حاجه كبيره و بيتي فعلا الاتربيت فيه وإن انتمائي عمره ما كان بالكلام”.

واختتم :” الحكاية مستمرة… وإن شاء الله اللي جاي يكون أجمل و احسن ، وأقدر أرد جزء بسيط من حب وثقة جمهور الزمالك داخل الملعب، لأني في الآخر واحد منكم، وفخور إني كبرت وسطكم”.